布力般大盤搵米

猪拉多纳

聽日凌晨英冠獨腳戲戲碼強，布力般流浪主場鬥米杜士堡。布力般本季以本傷人，以英超人腳戰英冠，前鋒佐敦洛迪斯同紐奴高美斯超晒班，球隊近3戰入10粒嚇死人。米堡實力亦佳入得失得，捧大！

（周六凌晨2時45分開賽）
米堡入得失得

布力般目前高踞榜首，攻力勁到無話可說，但領隊堅恩仍未能解決後防不穩問題，近5戰狂失10粒。堅帥深知球隊攻強守弱，會繼續以攻為守，今輪主場出擊，絕對唔會改變踢法。以波論波，米堡屬英冠實力分子，但球隊作客防守不濟，雖有活基治壓陣，但近期鬥米禾爾同黑池，一場失3粒、一場失4球，面對布力般難保清白之身，捧大最穩。