AC走晒樣攻「細」難求

猪拉多纳

歐聯分組賽展開，今晚C組頭號種子AC米蘭主場對安德列治，「紅黑軍團」自賣走伊巴謙莫域同堤亞高施華後愈踢愈頹，難望同作客成績一般嘅安德列治合演入球騷，1.78倍入球細值得捧。（有線62及202周三凌晨2:45直播）
安德列治作客唔識入波

AC米蘭曾經喺1994同2007年嘅歐聯分組賽遇過安德列治，最尾都成功奪冠，本來今次又抽中碰頭可視為吉兆，但睇番現時米蘭個陣，同當年嘅尼斯達、施多夫等巨星又邊有得比？佢哋今夏仲賣走伊巴謙同堤亞高施華，功守都大打折扣，難怪「紅黑軍團」連續兩場喺主場吞蛋輸波！何況新兵保贊仲未融入隊波，米蘭不如諗下有咩方法喺聖西路入波先。

安德列治作客同樣冇料到！呢支近7屆首次殺入歐聯分組賽嘅比利時勁旅，近5場作客只得1勝，當中4場仲只係入1粒，大家都係唔好期望會有精彩嘅入球騷睇喇。

歐聯C組