辛尼特馬拉加「大」駁火

猪拉多纳

俄超辛尼特則於C組作客西甲馬拉加，後者有中東資金撐腰，仍傳出負債纍纍，但負面消息並未影響球隊演出，為改善財政狀況，喺高獎金賽事一定冇保留，勢必強攻求勝。至於辛尼特同樣有「大水喉」射住，又有強力前鋒侯克加盟，攻力進一步提升。相信今場雙方會大駁火，大盤可留意。

（周三凌晨2時45分開賽）

馬拉加雖然出現財政問題，但今季亦都有引入新球員如沙維奧拿。其實沙維奧拿曾經効力過巴塞隆拿、西維爾及皇家馬德里，對西甲球隊早有認識，故今季好快就融入隊中，上仗對利雲特亦成功取得入球。除沙維奧拿之外，祖亞昆、迪米捷利斯及辛達告魯斯等人都有豐富大賽經驗及質素，要取入球唔係難事。
侯克坐鎮辛尼特

辛尼特有「俄氣」支持，既有充裕資金，當然可用高價引進強援。幾位新加盟球員包括前弗賴堡球員林比、賓菲加的韋素及波圖的侯克，其中巴西人侯克以高達5,500萬歐元從波圖加盟。而韋素効力賓菲加時表現搶鏡，故吸引到辛尼特以4,500萬歐元購入。新人急於表現，特別係前鋒侯克，令前線隊友態度更趨積極，對於辛尼特絕對係好事。兩邊前鋒都有能力兼有決心，大盤應該冇走雞。