愛華頓鬥紐卡素角球吼細

猪拉多纳

今晚有兩場波有得玩特別項目，首講英超愛華頓主場對紐卡素，主隊雖有比利時鐵塔費蘭尼，但唔代表該隊經常憑高空轟炸博得角球，近兩場聯賽都開細盤，而紐卡素以塞內加爾雙星柏比斯施斯與丹巴巴亞打快速反擊為主，看來呢場唔慌多角球。

至於西甲華拉度列主場對貝迪斯，由於西甲一向以角球少見稱，而主隊防守穩健又清脆，解圍好少亂踢出底線，貝迪斯亦唔擅於強攻，雙方悶鬥悶下未必有好多攻勢，因此角球細可謂高唱入雲。