雷恩告急大起羅連安特

猪拉多纳

法甲雷恩主場鬥羅連安特，上季聯賽排第六嘅雷恩今季開得曳，至今4戰只得3分，喺高層同球迷都不滿嘅形勢下大打告急牌，豁出去大踢進攻足球，今晚面對狀態同士氣都處於巔峰嘅羅連安特會合演開放足球，入球大有2.2倍好分頭咪錯過。（周日晚8時開賽）

雷恩今季頭兩場先後輸畀里昂同波爾多，開始發茅搶攻，上仗主場贏弱旅巴斯蒂亞3比2開齋，其後作客馬賽輸1比3，呢班波實力值法甲中上游，目前仍然有極大搶分壓力，今仗主場當然唔會保守。
改踢早場防線難集中

羅連安特今季以進攻足球取得大躍進，主場贏過上季冠軍蒙彼利埃，作客和過富豪球會巴黎聖日耳門，至今4戰搶得8分，成績喜出望外，佢哋每場波最少都入到兩球，但至今合共亦失咗5球，攻強守弱，由於踢起信心，今場作客都會照攻。另外值得留意係今仗罕有咁安排踢早場，兩軍對此都有投訴，認為球員喺早段難以集中精神，雙方不穩防線隨時會出現更多錯誤，Louis認為有利開出大盤。
Louis 推介：

哈化柏林大 ★★★★

雷恩大 ★★★★

祖雲達斯勝 ★★★