米基爾「首入」真係200倍？

猪拉多纳

巴洛迪利未必出得，阿古路啱啱復操，曼城鋒線繼續靠泰維斯擔大旗。唔講唔知，原來「野獸」過去6次喺英超面對史篤城入咗4球，「首入」可以諗諗佢。當然，史篤城買咗幾件「反擊專員」，分分鐘一個突擊搞掂「藍月亮」，奧雲「首入」有7倍，不妨冷吼。同時，唔知係亨格比利眼花定足智彩開錯盤，尋晚車仔「首入」個參考賠率，約翰米基爾竟然有200倍，若然今日Keep住咁好分，即使呢位尼日利亞中場喺英超未入過波都好，但買10蚊有成2,000蚊收番，博一博冇壞吖！