東京綠茵新帥效應滅蜂

猪拉多纳

日乙周五特別賽日有場波值得留意，東京綠茵聯賽五場不勝跌出前六，主帥川勝良一引咎辭職，由教練團成員高橋真一郎攝位坐正，新帥上任首戰已於天皇盃打響頭砲，隊內氣氛好番好多，食住個勢返聯賽主場對福岡黃蜂可再贏，捧主勝！

（周五晚上6時開賽）

東京綠茵一度殺上日乙榜首，但近五場聯賽輸一和四負跌出升班附加賽區，現時排緊第七。綠茵主帥川勝良一知衰請辭，會方搵咗教練團成員高橋真一郎頂上。
替工高橋真一郎有Heart

高橋真一郎喺球壇打滾十幾年，冇乜機會坐正，難得有機會上位，實施展渾身解數幫球隊爭升班！高橋真一郎上仗喺天皇盃率領東京綠茵大勝日丙球隊HAE大分，雖然對手實力唔算強，但球隊總算成功止跌，士氣提升唔少。綠茵擁有阿部拓馬、卷誠一郎及占美法蘭卡等優勢進攻球員，火力甚強，絕對有條件反彈！福岡黃蜂位列下游，季內已經冇明確嘅目標，近五次作客輸四場，演出好曳，無力搶分。
日乙推介

FC愛媛 細

大分三神 讓球勝

東京綠茵 勝