奧地利逞強德國踩多腳

猪拉多纳

世界盃歐洲區外圍賽C組演打吡戰，奧地利主場鬥德國，德國上輪遇上全場死守嘅魚腩法羅群島只入三球，贏波輸盤，不過今場形勢完全唔同，奧地利喺德國面前永遠唔肯做懦夫，鍾意同德國對攻，但級數又差幾皮，Oliver相信德國今次可以贏波贏盤，捧1.92倍「讓球客勝」。

（周三凌晨2時30分開賽）

過去兩軍交鋒絕大多數由德國贏出，近七次對賽全由德國勝出，不過兩軍對壘永遠都唔係普通比賽，奧地利每次遇上呢個強大鄰國都踢得特別肉緊同主攻，原因係雙方特殊關係同歷史。奧地利喺二百年前國勢正隆，維也納更加係世界音樂、文藝同時裝之都，德國只能仰人鼻息。但時至今日，無論國勢同足球，奧地利已經淪落到喺德國影子下生存，令佢哋有更強欲望喺德國人面前爭一口氣。

兩個鄰國用共同語言，現時兩支國家隊知根知底，半隊奧地利主力球員包括夏歷、阿拿奧杜域、艾雲舒捷斯、巴姆加特寧加、基斯甸富治斯等都喺德甲効力，即使瑞士籍領隊馬素高拿亦曾執教波琴同科隆，更加係普多斯基嘅啟蒙恩師，喺「科隆王子」17歲時將佢提升上一隊。
普多斯基失正選

不過，普多斯基今晚相信無法正選登場對恩師，皆因德國領隊勒夫有更好選擇，對法羅群島時正選左中場係馬高列奧斯，呢個位置仲有舒賀爾尼同馬里奧葛斯等新星可供選擇，德軍實力本身就高幾皮，加上奧地利足球先生兼最佳球員阿拉巴因傷缺陣，相信德國今仗唔只贏一粒。
Oliver

綽號：足球顧問

37歲，德國漢堡出生，現居於秘魯，曾於德國擔任報章及網上全職德甲及德乙球評人逾十年，亦曾為多家菠菜公司擔任操盤手，2009至2012年創辦收費足球資訊雜誌22Legs，今年起改任菠菜公司及大戶私人顧問，電郵：OliverBundesliga@gmail.com