比利時星將爆散克羅地亞

猪拉多纳

Anton係比利時仔，呢個國家已經有十年未打入過大賽決賽周，但唔係賣花讚花香，我哋現時正處於巔峰期，擁有無數當起球星，好似泰拔高爾圖斯、高柏尼、華美倫、維頓漢、夏薩特、費蘭尼同4,000萬歐元先生韋素，戰鬥力強而且潛力未盡，我深信佢哋可以昂然殺入巴西世界盃決賽周，今晚喺世界盃外圍賽A組主場鬥克羅地亞勝望極濃，捧1.9倍主Ｗ。（周三凌晨2時45分開賽）

比利時上次打入大賽決賽周已經係2002年，當時嘅主力中場韋莫斯現時成為國家隊領隊，幾乎所有球員都視佢為偶像，佢為呢支擁有大量天才球員嘅球隊注入穩定防守同紀律，踢法更整體。

比利時首仗作客贏威爾斯2比0，演出唔夠以前悅目，但穩健程度畀到球迷好大信心，尤其佢叫韋素踢防守中場，效果更係一絕，令我更相信佢可以帶領球隊攀上更高峰。
克軍領隊未夠班

克羅地亞近期問題有幾多，上期戰友Louis已經為大家介紹過，上仗面對馬其頓表現亦一如預期咁曳，最後小勝帶僥倖成分，我都同意史迪馬唔夠料做國家隊領隊，今仗佢哋作客比利時惡唔出樣。
Anton

全名：Antonio Barzzani

國籍：比利時

24歲，俄羅斯出生，少時已移居比利時，除對該兩國足球最為熟悉外，亦有研究英超、荷甲及法甲，目前仍是大學生，幾乎花費所有課餘時間睇波同做分析，並於著名足球資訊網站bettingadvice.com及betswelike.com擔任兼職球評人。