冰島作客7連敗 塞浦路斯搵着數

猪拉多纳

周中又有多場國際賽玩，大家切忌盲目揀名牌球隊。世界球壇近年靜靜地起革命，強弱已經冇以前咁懸殊，而且世界盃外圍賽啱啱開打，各支勁旅未必十足弗，故讓得太多寧願唔掂。今日肥叔同大家揀隻E組塞浦路斯，主場小讓冰島平半好路。

（周三凌晨1時開賽）

歐洲賽區臥虎藏龍，唔少球隊都有競爭力，波斯尼亞等走勢持續向好，但佢哋已經「響朵」，今輪鬥拉脫維亞個主W得1.23倍，真係離譜。塞浦路斯係另一股新興勢力，2008年歐國盃外圍賽，佢哋喺自己地頭已好有惡氣，曾大炒愛爾蘭、威爾斯，更加打和過德國，呢個佳績真係唔講得笑。今輪對手冰島，雖然上周爆冷贏挪威，但呢班波近七次作客全部輸波，今次塞軍讓得起平半！
比利時「大」戰克國

另一愛隊A組比利時今輪主場對克羅地亞，捧大。比利時新星崛起，夏薩特、費蘭尼個個弗到漏，克羅地亞亦都有攻力，今次交手入波唔會少。至於B組保加利亞主場對阿美尼亞，保軍上場入到兩粒逼和意大利好sharp醒，讓得起半一！
肥叔心水

塞浦路斯上盤

保加利亞上盤

比利時大

白俄羅斯下盤

馬其頓下盤

巴拉圭上盤

墨西哥大