英軍U21細擒挪威

猪拉多纳

U21歐洲國家盃外圍賽第8組賽事，英格蘭U21主場對挪威U21，英軍今場唔輸即可取得附加賽席位，毋須急於搶攻爭勝，主Ｗ熱而不穩！英軍進攻重心阿歷士張伯倫已經「升呢」成大國腳，令前線侵略性大減，對住次席球隊挪威欠缺大勝本錢，預期今場入波唔多，捧細盤最好！

（now 633周二凌晨2時直播）

英格蘭U21今屆於外圍賽主場三戰全勝轟入十五球，單睇賽績靚到暈，不過大軍現時唔算齊腳，箭頭阿歷士張伯倫依家已經代表大國腳，此子喺外圍賽入四粒，屬隊中進攻主力，今次仲有中場魯迪維爾及蘭斯貝利有傷未必踢得，要靠利物浦雙星佐敦軒達臣同舒維爾擔大旗，戰鬥力點計都打折扣。
和波冇壞隨時拉布

計級數，英格蘭U21雖然少咗幾個主力，但整體質素仍然唔曳，主場出擊正路贏面高，但球隊現時位列呢組榜首，領先挪威兩分，今場唔輸就可以首名取得附加賽席位。喂！唔贏都得噃，若然去到尾段和緊，英軍肯定拉布拖到完場，到時實激到嘔血，主勝冇肉食，完全唔抵玩！

英格蘭U21勝在有條可靠防線，熱刺中堅哥爾卡於奧運已經展現過級數，踢U21明顯超班。挪威U21上次主場對英軍輸一比二，攻守水平都較曳，今仗預期會處下風。英格蘭U21小勝機會高，可留意細盤。