般尼茅夫作客靠守

猪拉多纳

今日十場全屬英錦賽賽事，其中今季已降落到英甲嘅樸茨茅夫，主場迎戰都係下游分子嘅般尼茅夫，之前一度有起色嘅樸茅，最近已打回原形，今仗「茅夫」之戰，兩隊都信唔過，阿King寧捧細盤。

（周三凌晨２時45分開賽）

樸茅因為破產被託管，今季開咧前同所有球員解約，只係臨時臨急同10名球員簽下一個月短期合約應急，開頭呢班球員為博長約踢出拚勁，不過道氣一過，該隊逐漸打回原形，今仗仲有中場主力李爾威廉臣因傷上陣成疑，實力進一步受削。當然，般尼茅夫近況好曳，作客冇本錢贏波，但該隊除上仗作客勁旅錫菲聯失五球外，其餘幾場都守得幾好，呢種海軍鬥水兵嘅場合，不妨追細盤。
卡素爾盃賽醒神

另外乙組仔伯頓作客曳防守差，對住技高一籌英甲嘅高雲地利都係等炒格，大盤可取。最後英甲嘅卡素爾今季踢盃賽特別醒，於英聯盃曾淘汰葉士域治，主場出擊有力贏波。