惡客洛辛堡強爆史達比克

猪拉多纳

挪超包尾嘅史達比克今晚响主場迎戰「作客王」洛辛堡，全力衝刺爭標嘅客軍唔止三線都一樣咁猛火，挾住連續16場不敗之勢，肯定炒起頹爆嘅史達比克，2.25倍「讓客」博得過o架！

（開賽時間：周二凌晨1:00）
史達比克攻守挪超最差

史達比克新季表現差到冇人有，先唔講近20場聯賽輸足16場，仲只係入得17球、兼失咗足足49球，兩項數據都係挪超最差，難怪長時間滯留榜尾！對住有心爭標且走勢凌厲嘅洛辛堡，輸少球都要還神啦。

小妹對洛辛堡咁有信心，皆因佢哋係挪超「作客王」，唔止連續9場外訪冇輸過，而且每場作客平均入1.78球，亦只失0.89球，客場攻擊同防守都係聯賽之冠，小妹最欣賞嘅係佢哋三線都有能力取得「士哥」，唔會話特別依賴某位球員，今場要炒起史達比克，冇難度啦！

猪拉多纳