阿仙奴城牆抗「紅」

猪拉多纳

英超「末落雙紅」大戰今晚上演！近年愈踢愈沉嘅利物浦，今晚主場迎戰遇上入球荒嘅阿仙奴，兩大昔日勁旅今季踢咗2場仲未開齋。不過阿占認為兵工廠嘅根基較好，目前嘅入球荒只係短暫問題，反而利物浦喺新帥羅渣士重建下，表現難免較大上落，今場實在讓唔起阿仙奴，力撐1.75倍「讓球客勝」。

（有線200及300、廣東體育周日晚8:30直播）
紅軍改革「進行中」難讓波

利物浦喺羅渣士領軍後，球隊上下都放風要踢「巴塞足球」，睇佢哋簽入祖阿倫、紐尼沙軒呢啲技術型中場，就知唔係講笑！不過紅軍近年踢開簡單足球，要轉風格唔係一朝一夕嘅事，何況巴西中場盧卡斯上場受傷要抖3個月，大大影響球隊嘅攻守平衡，新加盟嘅波連尼又要時間融入球隊，呢段期間利物浦只係一個「進行中」嘅計劃，讓波真係要諗過先。
阿仙奴3大新兵愈踢愈好

阿仙奴開咧後連和兩場0:0，唔少球迷都同阿占話「尹佩斯走咗梗係啦」，但小弟覺得普多斯基同基奧特嘅表現其實唔差，進攻中場辛迪卡索拉更被讚卡士十足，3位攻擊手嘅化學作用愈踢愈有，今場大戰隨時係「交貨」之時。

而且阿占睇到除咗入球荒之外，佢哋兩場零失球嘅防線進步咗好多，相信同昔日後防名將保特今季升任助教有關，阿迪達改踢防中亦有卓越表現，打好防守今場有力喺晏菲路搶分。
近6次交鋒廠仔僅1敗

‧兩軍近6次對賽，阿仙奴4勝3和1負。

‧兩軍近5次對賽全部半場賽和。

‧利物浦近6次主場迎戰阿仙奴，只曾1勝。
兩隊冇火半場再追和

睇番雙紅會往績，兩軍近5次對賽全部半場賽和，今晚好大機會延續呢個紀錄。阿仙奴已經連續兩場入唔到波，新兵基奧特同普多斯機好似仲未融入球隊。利物浦雖然上場兩度攻入曼城大門，但歐霸盃兩對赫斯只能攻入1球（首回合為烏龍球），攻擊力咁飄忽難令人信服。今晚一於信數據，再買兩隊2.1倍半場和！
頂占筍盤：阿仙奴（讓球客勝）

有線球彩台主持阿占

電郵：soccer64@cabletv.com.hk

網上討論：http://fb.com/icable64

PHONE波熱線：1831 678

「快樂星期天」開放時間：周日晚9:00至周一凌晨1:30