另類創富坊

猪拉多纳

項目：大細

推介︰烏甸尼斯 細

今季祖雲達斯係奪標熱門之一，人腳質素亦於烏甸尼斯之上，但礙於「斑馬兵團」傷兵頗多，包括進攻主力基奧雲高，攻力難免會受到影響。主場嘅烏甸尼斯踢過歐聯外圍賽，球員體力消耗大，今場比賽未必採取進取踢法。今場兩隊互有缺點，相信入球數字不會太高，細盤值得留意。
項目︰半全場

推介︰艾夫斯堡 主主

艾夫斯堡係本季瑞典超奪標熱門，現正專心爭標。艾堡現時名列前茅，好大程度上係靠主場威力，佢哋聯賽主勝率達九成，今輪喺自己地頭迎戰西里安斯卡，主W穩開，想有肉食可轉捧「主主」。球隊本季連盃賽贏十六場，其中超過八成半場已領先；而近七次主場贏波六開「主主」，好好路！
項目︰首名入球

推介︰辛迪卡索拉、華美倫

今輪英超爆「雙紅大戰」，利物浦主場鬥阿仙奴。紅軍本季轉踢小組足球，轉風格需時，今仗未必能對兵工廠產生威脅。最大鑊係紅軍後防近仗發波瘟，中堅史卡迪爾、門將連拿瘋狂犯錯，馬田基利、格連莊臣都係計時炸彈，今仗一於揀阿仙奴首先入波，中場辛迪卡索拉當弗中前場打晒；而華美倫可憑死球搵到着數。
項目：讓球盤

推介︰摩里倫斯 平手盤

葡超新升班球隊摩里倫斯首兩仗聯賽取得一勝一和排第四，更重要是兩仗取得四個入球，證明球隊攻力不俗。摩里倫斯今仗雖然作客，但球隊對上六仗客場賽事取得三勝三和不敗；加上對手比拉馬至今未贏過波兼兩場聯賽共失六球，後防明顯欠穩，今仗開平手盤，捧摩里倫斯可坐和望贏。
項目︰半場主客和

推介︰狼隊 半場勝

狼隊作客卡迪夫城形勢唔輸蝕，狼隊雖有馬菲查維斯同史提芬費查離隊，但球隊已有晒心理準備，依家轉會窗已完可以更加專心搶分。事實上佢哋仍有奇雲杜里等優質攻擊手，近三場對班士利、打比郡同諾咸頓都可以領先半場。卡迪夫城愈踢愈沉，上仗鬥布里斯托城由頭輸到落尾，今場捧狼隊「半場勝」。
項目︰單雙

推介︰費利拿 雙

布拉加近年成績理想，現已成為葡超第四勢力，絕對有資格挑戰積分榜頭三位。不過今季出閘有多少「立油」，連同歐聯外圍賽及葡超，四場比賽僅取一勝，故今場作客費利拿唔好太樂觀，隨時又再和波收場。有一數據要留意，布拉加近四場比賽全部開「雙」，至於費利拿兩場聯賽亦都係開「雙」。數據如此強烈，再追「雙」。
項目︰第一隊入球

推介︰柏達邦

德乙柏達邦連續兩場作客都輸波，不過呢隊波有個特色就係經常先開紀錄，對上兩場敗仗都係先入波一方。其實，柏達邦對上四場賽事皆能夠先取得入球，而今仗對手係恩高斯達特，佢哋今季仍未開齋，對上兩仗更要淨吞對手光蛋，今仗作客想爭取入波就難上加難，預計柏達邦先入波。
項目︰總入球

推介︰邦迪比達 3球

巴甲邦迪比達近況反覆，不過近八場賽事有五場開出總入球「3」。翻查紀錄，邦迪比達今季所有賽事共開出16次總入球「3」，球隊對上一仗未能開出總入球「3」後，次仗開出機會甚高。邦迪比達上仗剛好作客2比2打和明尼路，今仗主場對帕拉尼恩斯開出總入球「3」機會不低；再加上對上三次對賽有兩次開出總入球「3」，總入球「3」追得過。
項目︰波膽

推介︰賓菲加 4:0

今季葡超錦標爭奪離唔開波圖及賓菲加，兩支球隊喺當地超晒班，大勝對手幾粒時有發生。就好似今輪賓菲加主場對國民隊，實屬大勝好時機。留意到賓菲加近兩次主場對國民隊都攻入對手四球，今次再入四粒都唔出奇，波膽4比0有10倍不能忽視。