「神鋒」法卡奧惡戰「王子」

猪拉多纳

今仗「王子」倒戈馬體會萬眾矚目，「神鋒」法卡奧係另一焦點。此名哥倫比亞射手，盛傳今夏曾受車仔力斟，甚至傳出佢值「費蘭度托利斯＋1,500萬鎊」，而佢剛大演帽子戲法，今次誓以表現證明身價！

費蘭度托利斯同法卡奧，二人與車路士及馬體會有千絲萬縷關係。法卡奧近兩季於歐戰表現無與倫比，於歐霸盃上陣29次轟入29球，數據簡直恐怖，歐洲各大球會對佢流晒口水，車仔曾有意為佢放棄「王子」亦絕不為奇，今次二人正面交鋒，肯定分外落力。
上仗連中三元

上仗西甲聯賽馬體會大炒畢爾包4比0，法卡奧一個鐘頭唔使就轟入三粒，隊長基比同教練施蒙尼，前者賽後讚佢全球把握力最強，後者話佢簡直「完美」，就睇吓今仗究竟係「王子」勁啲，定係「神鋒」叻啲。