費托流浪5年終倒戈

猪拉多纳

費蘭度托利斯向馬體會發表愛的宣言！車路士射手費蘭度托利斯07年離開馬德里體育會，今次首次倒戈鬥母會，賽前明言馬體會係佢一生最愛，但人生首次想愛隊輸波！

托利斯07年離開馬體會加盟利物浦，上年再轉投車路士，先後幾次錯過倒戈鬥馬體會嘅機會，今次終於要遇上舊會，佢話明唔會留手：「今場喺盃賽場合碰頭，真係好特別，呢次係我有生之年第一次唔想馬體會贏波！」
「馬體會永遠是我家」

不過，費蘭度托利斯受訪時，忍唔住向馬體會發表愛的宣言：「我知道自己支持邊隊波，同埋欠咗邊支球隊最多，我唔會隱藏自己嘅想法！之前利物浦曾經帶畀我家嘅感覺，但去到最後，我先意識到馬體會至係我永遠嘅家！」