3倍fans撐里爾斬草除「根」

猪拉多纳

喺歐聯附加賽首回合輸0:1嘅法甲勁旅里爾，今晚次回合返主場迎戰丹麥嘅哥本哈根，憑多近3倍人氣嘅新主場威力，有望大勝一場取得分組賽資格，安高決定撐2.02倍嘅「讓球主勝」。（有線62及202周四凌晨2:45直播）

上季位列法甲第3嘅里爾，被視為最有本錢挑戰國內富豪巴黎聖日耳門。佢哋今夏雖然放走進攻重心夏薩特，但補入番法國國腳級中場馬雲馬田同科特迪瓦前鋒沙洛文卡勞，實力絕對可以維持。
哥本哈根級數輸蝕

事實上，首回合佢哋作客輸畀哥本哈根，好大原因同前鋒皮耶早段射失12碼有關，再者里爾今季移師去里爾都會球場做主場，呢個新主場可容納5萬幾人，足足係舊主場接近3倍，單係擁躉打氣聲都嚇得死人。

哥本哈根話就話係目前丹超一哥，但搵個大牌球星都冇，最巴閉就係曾同曼聯扯上關係嘅守將拜恩奧維度，實力嚟到歐洲根本就唔入流，今鋪出戰法國好難頂得住。

首回合：里客負0:1
歐聯賽制

採主客兩回合淘汰制，今輪為附加賽次回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。