維拉炒唔起燦美爾博「讓和」

猪拉多纳

維拉今晚會喺聯賽盃第2圈迎戰英甲燦美爾，主隊喺今季英超2連敗，氣勢之弱令小妹覺得佢哋極有「降班相」，加上成班主力養傷，唔使旨意大勝，不妨冷敲3.6倍「讓和」啦！（開賽時間：周三凌晨2:45）

小妹仲記得維拉喺上季主場成績差到爆，居然只係贏過4場咁大把，難怪護級護得咁辛苦啦！佢哋今晚再喺「噩夢主場」出擊，前鋒艾邦拉荷等主力養緊傷，中場加利加特拿仲可能提早收咧，就算領隊林拔話想喺今場打翻身戰，大炒絕對唔易。

反觀「甲組仔」燦美爾近排發揮得唔錯，開咧3場作客波得1勝2和，表現夠晒硬淨，面對甩皮甩骨嘅維拉，輸都唔會輸得難睇。