華倫拉科歎慢板角球吼細

猪拉多纳

今次角球大細主力推介西甲華倫西亞主場對拉科魯尼亞，中位數11.5球，建議要細。西班牙波講求控球在腳，唔會輕易將個波踢出界，而且比賽節奏比較慢，尤其係拉科多老將，更加會歎慢板，以免太快消耗體力，預計屆時出現角球次數會偏少。（now632周一清晨5時直播）
拉科老將多角球唔多

華倫主要靠射手蘇爾達杜數胡，進攻模式比較單調，所以唔好期望佢哋會踢出巴塞皇馬嘅水銀瀉地攻勢，未必可以為對手防線帶來太大壓力。至於拉科實力有限，作客唔會冒進，佢哋上仗即使贏奧沙辛拿2比0，但都只係博到5個角球。拉科有多位主力已經超過三十歲，行軍速度偏慢，不利製造角球。
西維爾上次到訪僅得一角球

另一場西甲， CF格蘭納達主場對西維爾，雖然中位數10.5球，但考慮主隊攻力差，唔好話想入波，連要博到角球都唔易。西維爾上季作客大勝CF格蘭納達三球，但竟然只博到一個角球，今場可考慮角球細。