利物浦正宗大水魚

猪拉多纳

我自己一去街Shopping，sales同我sell幾句就好容易失控狂買嘢，例如幾千蚊買脫唔到毛嘅光學脫毛機，一大堆永遠用唔完嘅化妝護膚品，總之買親都係唔等使，不過咪笑我喎，其實英超有隊波都好似我咁成日亂買野，大家估唔估到啊？

就係2千萬鎊買佐敦軒達臣、9百萬鎊買查理阿當，3千幾萬鎊買安祖卡路爾嘅利物浦喇，總之高價買返嚟嘅多數都唔用，若果話利記係英超大水魚過唔過分呢？唔知今年用千幾萬鎊買嘅波連尼會唔會喺利記又愈踢愈沉呢。今晚主場對曼城，我諗紅軍迷都係打定輸數，一開咧食咗西布朗三蛋冇晒面，而嗰場被逐嘅丹尼爾艾加又要停賽，就算周中場歐霸外圍賽留晒力都冇用，今場好難爆冷啊！
曼城人強馬壯

曼城錢最多，個老細使一兩億鎊都唔手震，佢支億萬大軍大把勁人，前面用阿古路傷咩？咪迪斯高拍住野獸泰維斯囉，冇計，勁人太多，唔會話冇邊個唔得。今晚呢對箭頭連同埋耶耶托尼、施華仔等等必定叫紅軍後防吃盡苦頭，諗起都驚。

上季英超有線共播放10場3D英超，而今季3D播放次數遞增，半季已有10場3D英超帶畀觀眾。今晚英超大戰利記對曼城，唔理有冇3D都一樣咁精彩！

（有線200、204及300台周日晚11時直播）