華歷簡奴讓客好守細

猪拉多纳

今晚西甲有四場波，斯維特別想講下貝迪斯主場對華歷簡奴，貝迪斯有西甲神經刀之稱，永遠係飄忽難測，上仗作客擊敗畢爾包，表現令人喜出望外，但當該隊備受睇好時，要慎防佢哋今仗獲利回吐。華歷簡奴失去米捷後火力大減，但防守變得更加硬淨，作客有力全身而退，在逆思考下，「讓球客勝」值得捧場。（now 632周日凌晨3時直播）
貝迪斯鋤強扶弱忌熱捧

自從上季重返甲組後，貝迪斯整季就像玩過山車般，起伏不定，試過連贏三場後，忽然連輸六場，最抵死係當該隊被睇低時，佢哋可以贏到馬體會、華倫西亞，但對住弱隊桑坦德、希杭，又會莫名其妙地輸波。好似上仗作客擊敗畢爾包，就延續呢種「鋤強扶弱」嘅傳統，雖然冇咗射手辛達告魯斯，但貝軍嘅反擊非常銳利，前鋒佐治摩連拿、魯賓卡斯度視巴斯克雄師嘅防線如無物，話過就過，唔講仲以為佢哋喺主場迎敵添。
客軍火力減專注防守

不過，當貝迪斯被唱熱時，佢哋就會玩嘢失分，見到呢種「搵食波」，最好係「見熱就反，見冷就捧」。華歷簡奴不但有首席射手米捷改投史雲斯，連老牌前鋒達蒙度同迪亞高哥斯達都離隊，三人上季合共為華軍攻入32球，冇咗佢哋即時火力大減，惟有着力喺防守上落工夫，今仗作客一定會踢得小心翼翼，相信頂得住貝迪斯來襲，喺逆思考下，「讓球客勝」有逾兩倍都幾抵玩。而貝迪斯近六次主場對華軍，有四次開細，斯維認為細盤可兼投。