50th德甲大壽 多蒙特不來梅鬥攻做賀禮

猪拉多纳

德甲進入金禧賽季，第50屆德國甲組聯賽今晚開鑼，揭幕戰對賽雙雄同第一屆一樣，只係主客對調，衞冕多蒙特主場迎戰雲達不來梅。多蒙特主場第一擊必然搶攻，遇上陣容大變、有前冇後嘅雲達不來梅料演入球騷，入球大細中位數調整到3.5球都冇有怕，黑柴捧2.1倍大盤。（有線61及201台周六凌晨2時30分直播）

連續兩季德甲盟主多蒙特於德超盃失利，以1比2不敵班霸拜仁慕尼黑，不過繼後喺德國盃首圈輕鬆過關，新加盟嘅馬高列奧斯迅即確立球隊新核心地位，仲將「金童」馬里奧葛斯逼上後備席，目前全隊只有防守中場施雲賓達因傷缺陣，右閘比薛斯基有輕傷上陣成疑，但進攻線可以夫添出擊，主場頭炮遇弱當然搶攻求勝。

雲達不來梅今季陣容大變，主力韋爾斯、比沙路、拿杜、保尼斯治同馬高馬連等相繼離隊，由祖雲達斯買入荷蘭中場艾利亞、引入捷克守將謝比施拿斯，又分別向拜仁同車路士借得尼斯彼德臣同奇雲迪布尼，喺季前電訊盃先後力壓拜仁同多蒙特捧盃，不過到正式比賽即打回原形，繼後德國盃首圈面對丙組球隊普斯辛蒙斯達，踢到加時輸2比4出局，防線表現之差令人慘不忍睹。
不來梅入得失得

不來梅教練舒哈夫向來崇尚進攻，連熱身賽近7場比賽都有入波同失波，全數開大盤，當中5場總入球都喺4球或以上，今場作客狂熱嘅西法倫球場都唔會保守。黑柴相信多蒙特會贏同最少入3至4球，但不來梅一樣有波入，大盤係投X首選。

德甲開鑼戰多蒙特對雲達不來梅，馬會足智彩將入球大中位數調高至3.5球，至於歐洲主要菠菜公司雖然開出中位數為2.5球，但大盤低水至1.5至1.57倍，明顯睇好今場會出現唔少入球，大盤值得留意。

猪拉多纳