聖保羅揸住兩粒歎細界

猪拉多纳

聽朝南球盃第二圈有場「巴甲內訌」，由聖保羅主場迎戰巴希亞，由於首回合聖保羅贏2比0，預計今仗唔會搏得太盡，而巴希亞實力有限，想反撲亦有心無力，細盤有1.95倍咁筍，有買趁早。

（周三早上8時15分開賽，馬會網上文字直播）

由於聯賽被明尼路大幅拋離，聖保羅已將注意力集中在南球盃，所以該隊近期於巴甲表現反覆亦不足為奇。聖保羅坐擁老牌射手路爾斯法比安奴，身邊又有施些路、謝臣、奧斯華度羅蘭高幫手，加上超新星盧卡斯洛迪古斯1月先去新東家聖日耳門報到，整體實力毋庸置疑。
巴希亞留力護級

不過，聖保羅帶住兩球優勢，今仗就算主場出擊都未必去盡，點到即止小勝居多，最重要係路爾斯法比安奴已經多場冇進帳，狀態成疑。對手巴希亞近況差勁，作客表現又曳到唔恨，無力平反敗局，慳番啖氣，專心於聯賽護級好過喇，既然今仗細盤有分頭，值得一試。