紅軍質「高」撐讓客

猪拉多纳

歐霸盃外圍賽第3圈首回合，終於見到熟口熟面嘅利物浦喇！今晚佢哋作客白俄球隊高美爾，就算出副選都明顯超班，不妨直取2.02倍「讓客」啦！（開賽時間：周五凌晨2:00）

利物浦再一次經歷「大地震」，今季換上注重地面戰嘅前史雲斯領隊羅渣士領軍，肯定會耳目一新，之前3場友賽都睇得出隊波踢法變咗好多，不過由於太多國腳級球員仲未歸隊，進攻未算太流暢，好彩今戰仲有新援波連尼同埋質高嘅小將阿當摩根撐場，征戰白俄仍然夠殺。
高美爾靠白俄土炮頑抗

來自白俄羅斯嘅高美爾絕大部分主將都係「土炮」，佢哋嘅領隊古巴利夫賽前亦都尷尬咁話：「聽落好似好白癡，不過對完利物浦就知我哋嘅實力去到邊喇，依家嘅班底只係合作咗3年，惟有盡力踢啦！」睇嚟佢都預咗大敗喇。
歐聯及歐霸盃賽制：

採主客兩回合淘汰制，今輪為第3圈外圍賽首回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。