畢爾包殘陣難啃施拉雲

猪拉多纳

今晚多場歐霸盃第三圈外圍賽首回合，阿King特別留意尾場畢爾包主場對施拉雲，雖然前者成功游說教頭比爾沙留隊，但今仗有3名主力仍要為西班牙於奧運服役，陣容天殘地缺，主場對住克羅地亞一哥施拉雲讓到兩球，唔係贏梗，可冷敲「讓球客勝」。（周五凌晨3時開賽）
3大奧運腳未歸隊

上季畢爾包倣效巴塞式踢法踢出名堂，最終在兩項盃賽奪亞，綽號「瘋子」的阿根廷老帥比爾沙立即成為搶手貨，今夏他因訓練場施工問題同球隊吵大鑊，仲嬲到遞埋辭職信，儘管最後改變主意留低，但賓主關係已大不如前。

講番今場波，畢爾包雖獲華倫西亞中鋒阿度里斯來投，但主力如安達靴里拉、查維馬天尼斯、蒙尼恩因出征倫奧尚未歸隊，失血嚴重，就算箭頭洛蘭迪可披甲，個陣殘到咁，真係見到都唔開胃。相反施拉雲連勝6場，加上克羅地亞聯賽已經開咧，狀態點都好過畢爾包，不妨扒冷捧「讓球客勝」。
撐安治搞掂維迪斯

至於俄羅斯富豪球隊安治，擁有喀麥隆高效殺手伊度奧，遇上近4仗失咗10粒的維迪斯，應可輕取呢支荷甲球隊，「讓球主勝」有計。最後一關，雖然瑞士超已開咧，但塞維特於國內3連敗，相反挪威班霸洛辛堡早已入局，近8仗未逢敵手，有力全身而退，「讓球客勝」值博。