巴西有前冇後大起新西蘭

猪拉多纳

男子奧足上演最後一輪分組賽，身處C組兼奪金大熱門巴西將會對戰新西蘭。巴西分組賽兩連捷兼取得晉級資格，相信森巴兵團今場會稍作保留，令球員有足夠體力應付淘汰賽，形勢令巴西大炒對手嘅機會減低。惟留意到巴西近兩場都與對手炮製唔少入球，相信今場總入球數字唔會低，大盤可留意。

（有線63及203台周三晚9時30分直播）

巴西近兩場分組賽先贏埃及再贏白俄羅斯，兩場比賽都攻入對手三粒兼有失球。似乎巴西對自身入球能力信心爆棚，根本唔在乎後防不穩問題。相信今場巴西就算派出副選球員上陣，踢法上亦唔會有太大改變，攻強守弱仍是巴西最大特色。而新西蘭依然有機會爭晉級，今場不容許佢哋再縮後，焗搶攻情況下可望與巴西製造大量入球，大盤開出機會高。
埃及見底寧吼白俄

至於同組埃及對白俄羅斯，不妨吼冷門白俄羅斯。埃及於分組賽未曾取勝，剛賽面對實力較弱球隊新西蘭亦只得一分。埃及實力已經見晒底，白俄羅斯球員只要集中精神比賽，要挫敗埃及非難事，今場客W超過三倍值得一試。

（有線18台周三晚9時30分直播）

另外，瑞士奧運腳摩根利拿因在網上向南韓男奧足作出種族歧視言論，已遭瑞士足總取消參賽資格及送返家鄉。