撐明尼路「客勝」致「富」

猪拉多纳

巴甲今晚有場今季暫時入波最多嘅富明尼斯對明尼路，「四眼哥」本來對呢場波充滿期待，可惜賽前主隊傳出主將迪高，喺啱啱輸畀甘美奧場波度傷咗，今場好大機會無緣同客軍嘅朗拿甸奴一決高下，加上富明尼斯本身已經有唔少傷兵，仲點讓波呀？梗係撐明尼路1.73倍「讓球客勝」啦！（開賽時間：周一凌晨3:00）
迪高缺陣 富明尼斯差咁截

啱啱先以0:1輸咗畀甘美奧嘅富明尼斯，唔止今季巴甲不敗金身被破，中場主力迪高完場後發覺有少少拉傷，今場好大機會踢唔到，冇咗佢就算前鋒費特有幾弗點都差咁截，對住巴甲「7連勝」、7場喪入21球嘅明尼路似乎窄窄哋，一於信喺明尼路重生嘅「細哨」領軍可以立於不敗之地！