巴甲快車國體會撞散費古倫斯

猪拉多纳

巴甲本周中又開快車，其中一場由費古倫斯主場對國際體育會。上季費古倫斯以第七名過終點，成績都算唔錯，但球隊今季明顯退步，聯賽僅取1勝兼長處下游位置，相信費古倫斯仲有排沉，國際體育會有望喺客場勝出，客W可優先選擇。

（周四早上6時30分開賽）

費古倫斯近三場聯賽全部落敗，近況差到你唔信。依家球員已經失去信心，就算今次有主場之利都幾難反彈。國際體育會雖然唔算大勇，但遇到久沉球隊，客隊能夠攞晒三分都好正路。李安度達美奧雖已飛赴倫敦爭奧足金牌，但陣中仍有達高巴圖、費特及迪阿歷辛度等主力，影響唔會太大。
邦迪比達主勝圖「利」

另外邦迪比達主場對利斯菲體育會，主W可以秤先。邦迪比達近年主場對利斯菲體育會贏多和少，有賽績支持當然要追捧。至於紐迪高主場對哥列迪巴同樣選擇主W，哥列迪巴聯賽作客未開齋，紐迪高今場有機可乘。