巴希亞冇態捱細界

猪拉多纳

巴甲聯賽巴希亞主場鬥哥列迪巴，雙方過去九次交手竟然開出七次和波，而且兩軍近期狀態都唔算好，彼此均冇必勝把握，今場好大機會又再悶戰一場，路西法首選入球細。

（周一清晨5時30分開賽）

巴希亞聯賽三連敗，至今踢咗十場聯賽僅得一勝，狀態沉到不得了，教練保羅保拔圖已被炒魷。哥列迪巴則係一支靠主場搵食嘅球隊，連盃賽在內對上七場作客輸六場，防線加埋失咗十七球，作客出戰亦唔值得睇好。
鬥哥列迪巴多和波

兩軍近期防線甩漏多，預計會踢得較保守，加上兩軍攻力亦唔算突出，對上五次碰頭總入球都唔超過兩球，單計最近兩次都踢成○比○，相信今場入球數字依然偏少。再睇遠啲，雙方近九次對賽有七次開和波，入球細或和波都好路。

另一場邦迪比達主場鬥富明尼斯，邦迪比達近期主場回穩取得三連勝，而且佢哋近四場主場鬥富明尼斯全部贏晒，心理上有優勢，主場受讓平半好抵玩，下盤捧得過。