銀河一身蟻芝加哥發威

猪拉多纳

星級球員逐一落戶美職，如果能夠發揮出應有級數，效果隨時勁到你唔信，好似上季嘅洛杉磯銀河，就憑住幾粒巨星嘅威力封王。
芝加哥火燄主場4連勝

可惜巨星特別難湊，一齊癱瘓起上嚟都幾大鑊，今季洛杉磯銀河就面對緊呢個情況，3名高薪「特定球員」都有麻煩，「萬人迷」碧咸近期踢到躁晒，上周省完對手之後被加監，今晚銀河作客芝加哥火燄就唔使預佢；王牌射手羅比堅尼就因早前要應付歐國盃，歸隊後明顯出現疲態；至於隊長當路雲，亦因為林柏特極有可能來投，而盛傳被踢去愛華頓，搞到近期表現患得患失，難怪銀河近期兩連敗之餘，更合共失咗6球。

相反對手芝加哥火燄氣勢就唔錯，近4戰取得3勝1和之餘，主場更連贏4場，小讓平半可以放心捧場。

（開賽時間：周一凌晨3:00）

足球重心：芝加哥火燄（上盤）、蒙特利爾衝擊（大）

馬膽推介：10場(10)好好計

上場無疑受惠於快步速，但贏馬姿態確係驚人，今場又有「紅衣叻叻」同「開心指數」喺前面鬥放，形勢上同上場極接近，有望賺完再賺。