尼斯達強化衝擊 蒙特利爾搶W良機

猪拉多纳

周一凌晨至早上繼續有美職舉行，其中一場由蒙特利爾衝擊主場對哥倫布機員。三支加拿大球隊當中，近期以蒙特利爾衝擊動態最積極，班主不斷從歐洲引入高質素球員，最近AC米蘭中堅尼斯達已經正式過檔，跟新球隊簽署一年半合約，星級球員加盟必令球隊實力大大增強，巨高認為主W值捧。

（周一早上7時30分開賽）

其實早於五月尾，蒙特利爾衝擊已經簽入意大利前鋒迪華奧，一時間令球隊攻力大增，依家有埋尼斯達鎮守後防，競爭力必定大幅度提升。
哥倫布機員作客唔掂

尼斯達喺記者會表示，除球隊會長之外，陣內亦有好多意大利人幫佢適應新環境，所講嘅當然係迪華奧。二人同於九三年與意甲拉素簽定職業球員合約，接近廿年老友喺加拿大重逢，肯定會互相照應啦！

老實講，蒙特利爾衝擊近績唔係好，不過有好球員來投必可激發起球隊鬥心，加上有主場之利，今場演出應唔會令球迷失望。

另外蒙特利爾衝擊擺到明要大搞，最近球隊又推出門券優惠畀班球迷，一於搞㷫個主場。哥倫布機員質素唔係高，作客入球能力低係缺點之一，今場難免被睇淡。