西班牙回到平半抵捧

猪拉多纳

萬眾期待嘅歐國盃決賽即將上演，雖然球迷未能睇到西班牙同德國上演夢幻決賽，但仍然有得睇西班牙再戰名牌意大利，號召力甚強，相信投X額會好理想。決賽係全個賽事嘅高潮，現時市場投X氣氛一流，各大菠菜公司生意想唔好都難！

睇番今場盤口先，初盤西班牙讓平半至半球，正盤係西班牙讓平半八水左右，部分莊家畀多個選擇投X人士，開到西班牙讓半一，意大利下盤低至六水，不過，散客見到意大利四強砌低德國，早飛紛紛落注買下盤，搞到意軍係咁跌水，飛數不斷下調，依家已經冇乜莊家開半一盤。
角球細跟得過

肥叔認為菠菜公司呢場個盤開得非常好，西班牙級數點計都高過意大利，一定會佔上風，預期將控制戰局，讓平半絕對係合理盤口。意軍四強係打得好，但踢波一場還一場，佢哋中前場只係靠三寶派路、巴洛迪利同卡斯辛奴，瓣數唔多，贏面唔高，肥叔都係睇好西班牙多啲。

另外，呢場有唔少莊家開出特別賠率，肥叔認為角球細值得留意。西班牙慣性搓住踢，意大利防線應該會縮得好後，形成攻防戰，預期西班牙唔會有好多埋門機會，甚至連落底線機會都唔多，角球梗係唔慌多啦！
肥叔心水

西班牙 上盤