想扒冷博高美斯被嘜死「換出」

猪拉多纳

德國前鋒馬里奧高美斯喺分組賽已經盡現射手本色，取得3個「士哥」排喺射手榜榜首。始終佢射術出色，又係德國進攻嘅頭號得分點，今場特別事件圍繞住佢嚟玩，都係揀2.4倍「入球」係最正路。當然，如果你擔心希臘防守出色，呢位拜仁前鋒或者冇表現，都可以諗諗6倍「被換出」，事關一旦比賽末段攻唔入嗰陣，佢哋肯定會換入高路斯博一博㗎。

仲有，今場角球大細中位數係10.5球，睇番德國之前3場分組賽，自己隊波夾埋先得10個角球，希臘都係一樣。兩班波都唔係角球多嘅球隊，信數據就追1.78倍角球細啦！