瑞典口多多出局唔抵幫

猪拉多纳

Peter擔任足球教練及評述多年，經常強調比賽前應該少說話多做事，前晚歐國盃D組賽事英格蘭對瑞典，瑞典明顯犯了這個兵家大忌。有份參加94年世界盃嘅瑞典名宿約拿斯科恩、中場施巴斯坦拿臣、前鋒伊巴謙莫域賽前紛紛踩到英軍一文不值，間接助長了對手士氣，與其咁多口水，倒不如留番啖氣落場比賽，「Talk to Talk」永遠不如「Walk to Walk」，球員應該身體力行，賽前少說話、落場跑多兩步先係上算。

英格蘭擊敗瑞典表現其實唔算太標青，不過領隊鶴臣懂得限米煮限飯，利用安祖卡路爾嘅高空優勢踢簡單足球，依家頭兩輪分組賽冇朗尼都能取得四分，鶴臣應該好滿意，如果最終咁樣被淘汰只可怪自己。

今晚死亡B組兩場關鍵大戰，德國喺和波都可出線嘅情況下讓丹麥半一，站在菠菜角度絕對唔抵玩。另一場葡萄牙對荷蘭，荷蘭想出線必需淨勝葡萄牙兩粒，然後再望德國幫手擊敗丹麥，葡萄牙亦要贏波爭入八強，兩軍都會毫無保留鬥攻，有機會出現一場入球騷，入球大係投X首選，但基於臨場比數有可能影響兩軍球員比賽心態，今晚嘅賽事宜小注。