希臘悶波捧角球細

猪拉多纳

足智彩今日為波蘭射手羅拔利雲度夫斯基嘅首先發生事項開盤，呢位人氣新星係射得之人，加上捷克防線未見穩陣，3倍嘅「入球」睇落真係好抵玩，睇怕佢一日未入波，都應該唔會被換走，又唔似得閒走去開角球啩！

至於俄羅斯會否反敗為勝，咪話力奇睇小希臘，佢哋連攻破俄羅斯大門都有難度，9倍買「會」同掟錢落鹹水海冇乜分別。反而呢場個角球大細嘅中位數係9.5球，睇番希臘之前2場分組賽嘅角球總數只係8同5球，擺明係悶波攻勢都唔多，2倍角球細都值得捧場。
A組各隊出線條件

‧俄羅斯

對希臘不敗便晉級；輸波而波蘭與捷克分出勝負將出局。如波捷打和，俄羅斯只要輸少過5球亦出線，淨輸6球或以上則出局。

‧捷克

擊敗波蘭便晉級，輸波則出局。打和則要寄望希臘失分。如果希臘擊敗俄羅斯，希、俄、捷同得4分，捷克目前得失球最差，必須寄望希臘淨勝俄羅斯6球或以上才可出線。

‧波蘭

贏波肯定出線，和或輸肯定出局。

‧希臘

和或輸即出局，贏波又遇上波捷分勝負便出線；贏波若波捷打和，希、俄、捷同得4分要計算得失球。