意老帶嫩 經驗佔優

猪拉多纳

每次國際大賽，球迷都期望心愛球隊會有新星誕生，但老將真的絕對不能忽視！好像前晚烏克蘭的舒夫真高，上半場靜到無影，但機會不用多，轉眼就化成兩個入球反敗為勝。今晚意大利再出場對克羅地亞，意軍是Ｃ組中我心目中的最驚喜隊伍，同英格蘭一樣被眾人睇淡，但門將保方上仗清脆掃走費托單刀、派路妙絕助攻以及他努力回後場防守，足以顯出「經驗」在大賽中是何等重要，因此我認為意大利絕對有力殺入最後４強。
愛爾蘭難守４--６--０戰術

西班牙上場大膽起用４--６--０無鋒新陣，不過始終要以巴塞球員為骨幹，小組滲入同短傳one two即使看得一清二楚，但要防守則頗為困難，因為同樣戰術，無論於左、中、右都能發揮自如；愛爾蘭攻不銳，守亦不穩，相信一旦被西班牙打開缺口的話，想追都有心無力。

雖然猴年未到，但我同忠仔有個心願，就係重演「足金金猴」經典一幕，大家可以放心，我地已獲得兩位評述員（即當事人）同意，如果想睇新版本的足金送金猴，記得留意《叻人講波》的播出時段啦！

英格蘭擁躉李克勤，今屆化身成nowTV歐國盃大使陪你睇足31場大戰！（本欄目每日由克勤口述now TV筆錄，同你大談歐國盃）