荷德大戰話題多多 幾夜都要睇！

猪拉多纳

死亡B組第1輪，荷蘭竟然飲恨於丹麥腳下，令到整個出線形勢亂上加亂，丹麥今場對葡萄牙如能全取3分，出線真係理所當然，不過上場C朗拿度個人表演出奇地少，反而看到的是為隊友鋪橋搭路的C7，就連莫連奴的兒子也是C朗的Fans呢，所以死亡B組的變數正是繫於丹、葡兩隊身上。

另一場荷蘭對德國，雙方打法主攻，但德國會偏向打防守反擊，荷蘭唔想提早出局的話，今場除要贏波外，防守一定要打醒十二分精神，皆因德國上場雖然表現平平，但憑住馬里奧高美斯的幸運頭槌全取3分，就連曼聯前名將約基都稱讚這位「Super Mario」，話佢無論頭頂腳踢都係世界級數，更很大機會成為本屆神射手！這場波話題多多，無論幾夜開波都要睇啦！
英軍和波算係「過骨」

昨晚英格蘭打和法國，雖然距離出線仍然路途崎嶇，但面對全組最強對手能保不敗，賽後我就以「過骨」兩個字來形容。感冒了兩星期，昨晚的Day Off真是來得合時，畀我有24小時充足休息，希望今天能回復最佳狀態在電視同大家講波。

英格蘭擁躉李克勤，今屆化身成nowTV歐國盃大使陪你睇足31場大戰！（本欄目每日由克勤口述now TV筆錄，同你大談歐國盃）