大戶重插英軍得手

猪拉多纳

前晚英法之戰，初盤開平手盤冇乜動靜，直至英格蘭受讓平半後，有大戶飛大力捧英軍下盤，踢到下半場更將下盤重插至四水，最終英格蘭力保不敗，大戶們成功獲利。老實講呢場波緊張而不精彩，但英格蘭表現值得一讚，班球員安守本分，攞到一分合理，可以再跟進。

另一場烏克蘭反勝瑞典，的確令肥叔跌眼鏡，估唔到舒夫真高咁犀利，以一人之力改變戰局，球賽欣賞指數非常高。事實上，大戶一早買定烏克蘭，畢竟係主辦國，點都可以秤先，令人意外係贏波過程充滿戲劇性。烏克蘭勝出今場關鍵之戰，對士氣有好大鼓舞，餘下兩場分組賽應會有唔錯發揮。
橙衣兵團「大」反擊

至於今晚荷蘭對德國大戰，荷蘭首仗輸波後，已經唔可以再衰，必定主攻豁去出一戰，而德國亦係火力特強嘅球隊，可以考慮入球大。丹麥對葡萄牙，丹麥表現令人驚喜，受讓平半，下盤都算值博。葡國有C朗等優秀進攻球員，加上背水一戰，有權入波，入球大亦要留意。
肥叔心水

丹麥　下盤、大

荷蘭　大