是日忌火捷克有阻滯

猪拉多纳

本欄見報嗰陣，分組賽第一輪已經踢完，要睇晒全部8場賽事實在唔容易，畢竟賽事喺凌晨舉行，尾場完場已經係凌晨4點半。唔好忘記，依家只係啱啱開始，第二輪賽事今晚緊隨上演，面對咁「頻密」賽程，唔單止球員疲累，球迷都要注意身體健康。
隨時由贏變和

先講一則題外話，我有個朋友喺揭幕戰波蘭對希臘一戰，深信波蘭會失利，於是下注希臘贏波，但佢唔係投X希臘受讓平半嘅下盤，結果和波收場，波蘭果然失利，但我朋友都要輸錢。由此可見，呢個係下注者欠財運，即使作出準確預測，贏唔贏到錢，下注者本身嘅運氣都好重要。

希臘對捷克，「八字」是「壬辰」、「丙午」、「乙巳」、「丙子」，用神旺水，忌火，希臘主色為藍白，是為水金，捷克則為白紅，是為金火，兩隊五行生剋條件接近，正常推斷捷克機會較高，不過是日忌火，捷克將有阻滯，或可看成該隊有機會出現由贏變和嘅現象。