博羅拔仔踢到躁攞黃牌

猪拉多纳

波蘭球星羅拔利雲度夫斯基係首場對希臘嘅MVP，今仗足智彩為佢開出特別項目，都有唔錯投X價值。

「羅拔仔」首仗鋒芒畢露，今仗勢成俄羅斯防線嚴防目標，想話取得入波唔易。更重要係，佢又唔係球隊主開角球球員，對隊波前線作用大，被調出機會亦唔高，所以有幾瓣根本唔使諗。橫睇掂睇，全場多數被盯實嘅佢，反而可能因為發爛渣踢人或鬧人攞黃牌，6倍分頭唔錯值得一試。

另外2場波角球大細，中位數同樣開9.5球。睇番首輪2戰不約而同開總角球數8個，始終4隊都係靠打突擊，好少圍攻對手，唔會逼得出太多角球。食住條水，2場嘅角球細都可以捧場。