克羅地亞筍盤要跟進

猪拉多纳

西意大戰，初盤全世界捧西班牙，勢估唔到意大利踢得咁好，當意軍領先時，個個都唔敢郁，喺西班牙追和後，意大利受讓平半，大戶即時要返下盤，最終執番多少。不過，有班大鱷玩大盤出事，佢哋兩球入貨買大，見唔對路走番一球細，點知開個一比一，輸得陰功！
墨西哥超班「薩」得起

尾場克羅地亞對愛爾蘭情況完全唔同，一眾大戶晨早買定上盤兼大盤，計到條數準一準，肥叔不嬲都欣賞克羅地亞，諗唔到佢哋咁快上晒力，呢班波大賽經驗夠，而且人腳唔錯，最好係本身名氣唔大，經常都有筍盤買，佢哋絕對有條件成為一路奇兵，嚟緊值得繼續跟進。

今日推介場世界盃外圍賽玩吓，北美名牌球隊墨西哥作客薩爾瓦多，初盤讓一球，甚至一球、球半，睇落似乎多咗啲，不過墨西哥級數超晒，喺北美賽事獨忌美國，面對其餘對手贏波唔成問題，呢場可留意上盤。
肥叔心水

希臘 下盤

波蘭 下盤

墨西哥 上盤