大鱷重插俄羅斯得手

猪拉多纳

歐國盃首個賽日生意唔錯，頭場波蘭對希臘球證判決有啲爭議，東歐賽事形象向來麻麻，今屆歐國盃喺當地搞，有人即時聯想到好多嘢。肥叔都有睇場波，球證確係稍嚴，不過，並無明顯問題，有時真係唔好諗得太多。另外，波蘭表現虎頭蛇尾，但唔存在鬥志問題，呢隊希臘真係韌，唔到你唔服。

肥叔本來以為班大戶要時間熱吓身，點知佢哋一埋牙就嚟料，尾場睇準機會重插俄羅斯，主要係因為有人開波前力捧捷克，令俄羅斯不斷升水，竟然買到俄羅斯平手十足，班鬼佬見到機不可失，馬上大注搏殺。

捷克瓣瓣輸，完全唔夠踢，都唔明點解啲人會捧捷克，跟風客最終焦頭爛額，所以話，風吹還風吹，點都要自己分析過先好買。