森巴奧運兵難敵阿根廷

猪拉多纳

由於巴西唔使踢世盃外圍賽，過往森巴兵團對阿根廷嘅最矚目比賽，就只係得熱身賽可以見到。去年兩軍喺「南美超級打吡」碰頭，結果由森巴土炮勝出，今晚呢對南美雙雄就會喺美國新澤西再交手，阿根廷人腳贏晒，讓得起以奧運腳掛帥嘅巴西平半。（開賽時間：周日凌晨3:00）

今屆南美洲區世盃外圍賽得9隊角逐，換句話講即係每輪比賽都有隊唔使踢，今次就到名牌阿根廷輪空，梗係把握機會掘金。雖然今仗只係熱身賽，但畢竟對手係宿敵巴西，肯定唔會玩玩吓，加上歐洲各大聯賽球季又已經結束，根本無後顧之憂。
阿根廷4星上場各入1粒

雖然阿根廷過往經常係有姿勢冇實際，但美斯、阿古路、希古恩同迪馬利亞上場卻各入一粒，證明佢哋唔單止有名氣，仲開始建立默契。

阿根廷有美斯，巴西都有新球王尼馬壓陣，只可惜佢嘅拍檔絕大部分都係奧運腳，早前呢班森巴生牯仔都仲搞得掂丹麥同美國，但對住似樣啲嘅墨西哥就已經輸兩粒，今次拍埋去星光熠熠嘅阿根廷度，真係有細路哥鬥大人嘅感覺，今場就當係學嘢啦。

足球重心：阿根廷（上盤）、烏干達（平手）

馬膽推介：2場(1) 威力寶

上場太刻意唔去放頭，先至贏得略為驚險，但查實就大把在手，今仗排得11檔唔到你再縮住嚟跑，韋達停賽改配安國倫亦換到好賠率。