歐國盃：盤王西班牙帶挈捧場客

猪拉多纳

「足智彩」咁多種玩法入面，最受歡迎嘅肯定有「讓球」份。西班牙係衞冕冠軍實力超班，經常贏盤帶挈捧場客，睇番佢哋近13戰盤路就錄得8贏1走4輸，當中正式比賽更係4戰3贏1走，只要佢哋有心砌，呢個讓球盤王點可以唔捧？
波蘭盤路唔輸蝕

雖則話「鬥牛兵團」喺呢13戰輸咗4個盤，但只要細心研究，就會發現當中兩場係季初，球員都唔多想為太公波太過搏命；另外兩場則係打完晒歐國盃外圍賽後，球員都處於回氣階段，到今年3場熱身賽，班鬥牛兵都為爭位畀足心機踢同操，結果咪又係順利贏波贏盤！

同樣好路嘅仲有東道主之一嘅波蘭，睇番佢哋由舊年新球季8月開始，總共踢咗11場熱身賽，盤路錄得8贏1走3輸，嚴格嚟講仲好過「鬥牛兵」。講到另外兩支熱門球隊荷蘭同葡萄牙，「橙軍」近9場輸6場盤，葡萄牙則係6場輸5場盤，狀態麻麻避得就避！