歐國盃：瑞典膽拖西德荷「決賽組合」冷有睇頭

猪拉多纳

過去13屆歐國盃，總共有9個國家攞過冠軍，入過決賽嘅球隊則有12隊，當中丹麥同希臘捧盃根本冇人估到，況且前南斯拉夫、比利時同葡萄牙都入過決賽，今屆隨時又有「潛力球隊」爆出。足智彩決賽組合搵瑞典做冷膽，拖幾隊熱門西班牙、德國定荷蘭都勁好分，最熱嗰瓣都有40倍，實行1膽拖3腳刀仔鋸大樹！

同世界盃唔同，歐國盃絕對唔係熱門球隊玩晒，淨係計對上5屆，已經有丹麥同希臘喺冇人睇好之下捧盃，當中丹麥以後補身份童話式贏冠軍，希臘星光黯淡封王更被視為神話故事，所以即使牌面幾差，都唔好排除冷門球隊殺入決賽甚至攞埋冠軍嘅可能性。
俄羅斯有半個主場之利

今屆16隊當中，A組俄羅斯、B組丹麥、C組克羅地亞同D組瑞典都有唔錯嘅實力，不過要入決賽，首要條件係有能力突破分組賽。喺呢幾隊入面，瑞典似乎就最有機會跑出，因為往績上瑞典完全唔怕英格蘭，牌面又至少高過東道主烏克蘭，加上法國未真正復甦，瑞典喺分組賽突圍絕對唔出奇。

92年丹麥捧盃、04年希臘封王都有個共通點，就係着重整體戰。雖然瑞典射手伊巴謙莫域踢法自我，但佢為國家隊上陣多數比較收斂，加埋瑞典無論係黑白雙連時代，抑或由軒歷拿臣領軍都係靠整體戰食胡，只要伊巴謙發揮到扭轉勝負嘅能力，呢隊奇兵隨時嚇你一驚，值得用嚟做膽拖熱門球隊。

除咗瑞典之外，俄羅斯亦係另一個冷門選擇。以往前蘇聯嘅機動踢法盛極一時，曾經4次躋身決賽，今屆俄羅斯以土炮為骨幹組軍，有利球員培養默契同士氣。其實計數加埋捷克同前南斯拉夫，過去東歐球隊更加先後8次殺入歐國盃決賽，俄羅斯喺烏克蘭出戰又有半個主場之利，諗得過o架！
決賽組合

冷選推介

西班牙-瑞 典（40倍）

德 國-瑞 典（60倍）

荷 蘭-瑞 典（70倍）

西班牙-俄羅斯（22倍）

德 國-俄羅斯（30倍）

荷 蘭-俄羅斯（35倍）
近8屆歐國盃決賽組合

2008 西班牙 1:0 德　國

2004 希　臘 1:0 葡萄牙

2000 法　國 2:1* 意大利

1996 德　國 2:1* 捷　克

1992 丹　麥 2:0 德　國

1988 荷　蘭 2:0 蘇　聯

1984 法　國 2:0 西班牙

1980 西　德 2:1 比利時

*為加時戰果