歐國盃：熱門走唔甩法英夠穩陣

猪拉多纳

烏克蘭雖然係主辦國之一，但呢班波有幾多料大家心中有數，兩大核心舒夫真高同泰摩斯卓克都過晒高峰期，預計喺D組都係陪跑居多。反而法國唔聲唔聲就最有爭標相，尤其以中前場最猛火，3大孭飛球星列貝利、拿斯尼同賓施馬今季弗爆，加上基奧特、賓艾化同卡巴耶等全部都係實力派，夠晒資格攞首名出線。

相對嚟講，港人至愛嘅英格蘭每次大賽都只係雷聲大雨點小，新帥鶴臣亦冇乜國際賽成就，不過以「三獅兵團」嘅人腳同鬥心，照計要力壓瑞典爭番個次名應該唔難。

推介：法國 - 英格蘭 （ 6倍）