歐國盃：意大利名大於實唔使理

猪拉多纳

歐國盃C組，驟眼睇好似西班牙同意大利超晒班，實情兩隊都有隱憂，奇兵克羅地亞有望殺出。玩呢組首次名，熱選揀3.85倍嘅西班牙─克羅地亞，冷選則敲克羅地亞首名搭西班牙次名，有9倍超好分！

西班牙賽前已有前鋒韋拿同中堅佩奧爾因傷落選，一班巴塞同皇馬主將今季又踢到殘晒，想Keep住有好表現唔易。意大利仲衰，仍要靠派路同保方兩大老將孭飛，前線冇一名穩定射手，想出線都難。反而克羅地亞愈踢愈好，前鋒謝拉域同中場莫迪歷今季喺英超踢到曉飛，唔好話次名，隨時首名都仲得。至於愛爾蘭由於人腳參差，連Place都唔使預佢哋。

推介：西班牙 - 克羅地亞 （ 3.85倍）