荷蘭防線穿窿「大」事不妙

猪拉多纳

經過首波熱身賽之後，一眾歐國盃奪標熱門唔單止毫無霸氣，防線仲嚴重不穩，當中最離譜都算係荷蘭，佢哋今晚喺主場迎戰斯洛伐克，1.5倍入球大係投X首選。（廣東體育周四凌晨2:30直播）
瑞典未弗博「讓球和」

現階段當然唔排除列強刻意示人以弱，但荷蘭防線不穩卻非一朝一夕，佢哋踏入5月踢過兩場，夾埋失咗5球，計埋3月作客英格蘭及去年11月慘負德國，4場加埋仲失夠10球。事實上荷蘭防線卡士一直備受質疑，上場不敵保加利亞後，領隊雲馬維克更點名批評守將希汀加，另一中堅馬菲臣又傷埋，撞正今仗對手斯洛伐克亦有中堅史卡迪爾落選，防線鬥穿窿相信入球停不了。

荷蘭已經密密手砌咗兩場，反觀瑞典今晚先正式展開備戰之旅，係歐國盃16強之中最遲亮相，睇番佢哋23人名單，夾埋來自12個不同聯賽，係今屆賽事最雜嗰隊，似乎需要更多時間建立默契，今晚對住排名低114位嘅冰島，相信都係小勝居多，撐3.65倍「讓球和」。（開賽時間：周四凌晨2:15）