納比求穩廣州細抵過W

猪拉多纳

亞冠盃東亞區16強今晚繼續開戰，中超冠軍FC廣州喺主場對天皇盃盟主FC東京，戰情肯定激烈，不過廣州新帥納比嘅「意式防守」夠晒辣，上任後連續兩場開細，今場不妨再追多鋪。（now670台、中央5台及廣東體育周三晚8:00直播）

廣州賽前將今場門票加價，最貴飛1,000元人民幣嚇怕擁躉，雖然後來為平息民憤，聲稱波飛以75折出售，最平依然要100蚊人仔，假如今場唔贏，就真係笑大人個口。
東京傷兵多表現飄忽

曾帶領意大利奪得06年世盃冠軍嘅納比，登陸中超首戰悶住踢以1:0砌低青島，日前卻臨天光被山東逼和1:1，呢場廣州有前鋒郜林同穆里奇傷愈復出，中場鄭智同孔卡料復任正選，之不過納比話要「全攻全守」，咪即係要攻擊球員幫手協防！

點解納比咁樣決定？因為廣州有防守中場秦升同後衞張琳芃停賽，佢怕輸吖嘛！FC東京係天皇盃同日乙雙料冠軍，但受到傷兵問題困擾表現飄忽，不過作為日本國家隊後備門將嘅權田修一，就好有信心可以晉級，信佢頂得住玩1.85倍入球細，應該穩過1.68倍主W。
美職聯賽盃及亞冠盃賽制：

美聯盃為第3圈，亞冠盃為16強，兩項賽事均以一場過分勝負，若法定時間內打成平手，則需加時作賽，再和則互射12碼決勝負。